Sivert Bjørdal kjem frå Ørsta på Sunnmøre og blir rekna som ein av dei fremste representantane for den originale countrymusikken. Stemma hans er nært beslekta med Hank Williams, og noko av repertoaret er henta nettopp frå han.

Sivert har lang fartstid som countrysongar – heile 40 år sidan han starta med denne musikkstilen – og han har gjennom desse åra vore innom dei fleste festivalane i Noreg.

Sivert er trufast mot si musikalske overtyding og den ekte countrymusikken. Dette er «Pure Country» og rotekte. Sivert er heilt enkelt ein garanti for god musikk og god stemning.

Han har eit trufast og dedikert publikum som veit å setje pris på ein framifrå songar og artist. Han køyrer ein heilt eigen stil og sound.