Gunslingers har i snart 20 år levert norsk countrymusikk av ypperste kvalitet. Dei har oppnådd ei rekkje utmerkingar, fått tildelt gull- og platinatrofé og hatt æra av å spele på hundrevis av utselde arrangement.

Bandet reiser med blant anna LED-skjerm, flammar og ulike effektar som gjer at showet skil seg ut frå mengda og gjev publikum ei unik konsertoppleving. Bak vokalist og låtskrivar Frode Måkestad står ei rekkje anerkjende norske musikarar – ingen ringare enn Tore Mæhle (bass), Frode Andreassen (trommer), Dag Wolf (steelgitar), Jan Ove Johansen (gitar) og Nikolai Storevik (fele). Bandet fokuserer på ekte speleglede og musikalsk kvalitet. Playback og tracks er som banning i kyrkja for denne gjengen.

På konsertane med Gunslingers får publikum servert eit fullpakka show. Kjemien mellom scene og publikum er unik, og det er ingen tvil om at desse karane var skapte for å opptre. Å vere på konsert med Gunslingers kan opplevast som eit skikkeleg serotonin-tilskot og ikkje minst – det gjev deg eit minne du seint (eller aldri) vil gløyme.