Erlend blei kjend for heile Noreg då han i 2021 vann The Voice, sesongen som slo alle sjåar- og stemmerekordar. Ved å framføre popsongar i countrydrakt introduserte han countrysjangeren til eit heilt nytt publikum, og sidan har TV-showet satsa hardt på denne sjangeren.
Tre album seinare turnerer han meir enn nokon gong, og i 2024 flytta han til Nashville for å jobbe med låtskriving og innspeling. I 2025 kjem det eit Nashville-produsert trad-countryalbum, med blant andre Pam Tillis, Wendy Moten og USAs The Voice-vinnar Craig Wayne Boyd på duettlista.
Erlend er kjend for sitt ekstreme stemmeregister, si unike formidlingsevne og sin enorme energi på scena. No kjem han heim frå Nashville og gler seg til å spele for publikum på Norsk Countrytreff igjen!
