For management ved kontraktsinngåing - bruk av egen kontrakt.
KONSERTAVTALE
ARRANGØR
Stiftinga Norsk Countrytreff
Adresse Skrøppavegen 2, 6827 Breim
Org.nr 987 671 017
Kontaktperson: Vegar Sårheim
Mobiltelefon: 93 00 93 83
E-post: nct@norskcountrytreff.no
Teknisk ansvarleg: Stig Aron Kamonen
Mobiltelefon: 90 18 77 38
ARRANGEMENT OG DATO
Norsk Countrytreff er ein festival som i 2025 blir holdt i tidsrommet 9. til 13.juli.
SPELESTAD
Norsk Countrytreff.
Råd
6827 Breim
Kaféscene: Kolbeins Saloon
Hovudscene: Hesjestauren
SENTRALE TIDSPUNKT
Ankomst/get in artist og utstyr blir avtalt mellom arrangør og artist i god tid før festivalen startar. Fortrinnsvis i april/mai. Dette gjeld også for lydprøvar, konsertstart (dersom denne ikkje er avtalt på førehand) samt varigheit på konsert (dersom denne ikkje er avtalt på førehand).
BAND/CREW
Norsk Countrytreff vil ha informasjon om totalt antal personar som inngår i band/crew. Namn, funksjon, telefon, behov for kost/losji samt antal netter. Norsk Countrytreff dekkar som hovudregel påfølgande natt for artist/crew, men behov for tidleg ankomst, dekkar også Norsk Countrytreff foregåande natt etter avtale i kvart enkelt tilfelle.
OVERNATTING
Arrangøren skal sørge for overnatting for personar som oppgitt i punktet over.
Overnattingsstaden skal vere av god standard og tingast og betalast av arrangør. Arrangør dekkar ikkje minibarutgifter/alkohol og anna roomservice utan skriftleg avtale med arrangør.
Norsk Countrytreff står fritt til å benytte hotell på Sandane og på Skei, begge hotell ca. 20 min køyring unna festivalområde. Fordeling av hotell vil bli gjort i god tid før festivalen, og artist vil ha tilgang til transport tur/retur mellom hotell og festival til fastsatte tider. (Shuttlebuss i fast rute).
KOST
Arrangøren skal sørge for eit måltid inkludert ikkje-alkoholhaldig drikke per tal bandmedlem/crew som oppgitt i punkt Band/Crew kvar konsertdag. All anna bevertning kjem fram av hospitalityrider.
BEREHJELP
Arrangør skal sørge for berehjelp ved behov, der artist har meldt inn behov på førehand. Berehjelp skal vere edru og iført bekledning som tilseier at personen er i arrangør sitt ærend.
Artist skal forsikre eige utstyr. Arrangør er ansvarleg for utstyret frå load-in til load-out. Begge partar er ansvarlege for skade som oppstår ved uaktsom bruk av den andre part sitt utstyr.
PARKERING
Arrangør besørger parkering for bil/bandbuss m.v i umiddelbar nærleik av spelestad/scene. Artist kan ikkje forvente å kunne køyre heilt fram til spelestad/scene, då dette er festival med gjestar/personell på festivalområde.
HONORAR
Honoraret inkluderer alle utgifter artisten måtte ha i samband med oppdraget, herunder reisekostnadar dersom ikkje anna er skriftleg avtalt, og artisten har ikkje krav på ytterlegare godtgjersle.
REISE
I dei tilfeller artist ikkje har reisekostnad inkludert i honorar, pliktar artist å besørge reise til Norsk Countrytreff på ein økonomisk ansvarlig måte. Ingen reiseutgifter vil bli godkjent av arrangør uten at desse er forhåndsmeldt til arrangør, der arrangør godkjenner reisemetode og kostnad. Norsk Countrytreff er eit grønt arrangement, og oppfordrar våre artistar om å reise kollektivt i dei tilfeller dette lar seg gjere, eller ved hjelp av samkøyring med privat bil eller leigebil/minibuss dersom det er behov for plassen. Dersom fly skal benyttast tur/retur festival, skal det innhentast aksept frå arrangør på totalpris før bestilling blir gjennomført. Utgifter til billettar/reiser bestilt uten denne aksepten, vil bli gjenstand for kontroll og mulig avkorting frå arrangør si side.
FAKTURERING
Dersom artisten er næringsdrivande (for eksempel har enkeltmannsføretak) må artisten nytte faktura av godkjent rekneskapsmessig standard. Artisten sitt organisasjonssummer må førast på fakturaen.
LØNNSUTBETALING
Dersom artisten ikke driv næringsverksemd (for eksempel ikkje har enkeltmannsføretak) er arrangør plikta til å rapportere honoraret som lønsinntekt. Dersom artist ikkje leverer skattekort, skal arrangør trekke 50 % forskotsskatt. Dersom artist er lønsmottakar, skal honorar betalast til oppgitt bankkonto.
FORSKOTSSKATT FOR UTANLANDSKE ARTISTAR
Dersom artisten eller artisten sitt selskap skattar til anna land enn Noreg, er arrangøren pliktig å trekke forskotsskatt på honoraret etter lov om skatt på honorar til utanlandske artistar m.v. Per dags dato er skatteprosenten 15 %. Skjema RT-1091 skal nyttast. Skjemaet ligg på www.skatteetaten.no eller på Norsk Rockforbund nettsider/verktøykasse.
PRODUKSJON – TEKNISK RIDER
Arrangør skal sørge for produksjon i henhold til teknisk rider, inputliste og stageplot. Artist skal bringe eigen backline og alt anna dersom ikkje anna kjem fram av kontrakt.
HOSPITALITY RIDER
Artisten har tilgang til Backstageområdet på speledato. Artist må spesifisere i Hospitality Rider om det er ynskjeleg med privat område og om dette området skal vere låsbart, for eksempel for å låse inne verdisaker. Dersom området ikke er låst, er arrangør ikkje ansvarleg for eventuelle tjuveri.
TONO
Arrangøren rapporterer inn og skal betale TONO-avgift.
PROMOTERING/MARKNADSFØRING
Marknadsføring av arrangementet skal gjerast i felleskap mellom artist og arrangør. Artist skal sende nødvendig og vanleg type promomateriell til arrangør snarast råd etter kontraktsinngåing. Materiell skal sendast til presse@norskcountrytreff.no. Arrangør ber spesifikt om videomateriale (enkel video) for bruk i sosiale medium m.v
ENDRINGAR I DELTAKAR-INNMELDING
Ikkje uvesentlege medlemmar av innmeldte deltakarar kan ikkje endrast utan arrangøren sitt samtykke. Dersom det er påkrevd å gjere endringar i deltakarlista, for eksempel på grunn av sjukdom eller andre tilsvarande forhold, skal arrangøren kompenserast økonomisk dersom deltakarane for opptredenen endrast så mykje at dette får betydning for kvaliteten på konserten, eller at publikum oppfattar endringa som ei endring av tilbodet og dette har negative økonomiske verknadar for arrangøren.
AVKORTA OPPTREDEN
Artisten er forplikta til å spele den lengde som er nevnt i kontrakt. Dersom artisten avkortar speletida med meir enn 10 % utan at avkortinga er nødvendig på grunn av forhold på arrangøren si side, skal honoraret avkortes tilsvarande. Arrangøren skal kompenserast for eventuelle tap knytt til avkortinga.
SJUKDOM
Dersom artisten blir sjuk av ein uforutsett sjukdom og må avlyse oppdraget, skal artisten umiddelbart leggje fram sjukemelding der det går fram at artisten sin tilstand medfører at oppdraget ikkje kan gjennomførats. Artisten har ikkje krav på honorar for slike tilfelle, og eventuelt forhåndsbetalt honorar skal tilbakebetalast til arrangøren. Artisten pliktar ved slike tilfelle å prioritere arrangøren for eit nytt arrangement så fort artisten er i stand til å gjennomføre opptredenen.
UTEBLIVELSE OG FORSINKELSE FRA ARTISTENS SIDE
Dersom artisten ikkje møter fram til opptreden eller opptreden blir forseinka på grunn av forhold på artisten si side, har arrangøren rett til å krevje erstatta sitt tap påført som følgje av dette, herunder, men ikkje avgrensa til tapte billettinntekter, utgifter til tilsette, tapt forteneste, innleigd hjelp, ikkje-refunderbare utgifter etc. Arrangøren si tapsavgrensningsplikt medfører at arrangøren umiddelbart skal redusere alle kostnadar knytt til oppdraget, for eksempel ved avbestilling av transport, teknisk utstyr og personell, og skal søke å booke andre oppdrag for å erstatte denne opptredenen.
KONTRAKTSBROT FRÅ ARRANGØREN
Dersom Arrangøren avlyser opptredenen utan at det føreligg rettmessige årsaker til det, skal artisten erstattast sitt nettotap ved opptredenen. Artisten si tapsavgrensningsplikt medfører at artisten umiddelbart skal redusere alle kostnadar knytt til oppdraget, for eksempel ved avbestilling av transport, teknisk utstyr, personell og promomateriell, og skal søke å booke andre oppdrag for å erstatte denne opptredenen.
Dersom lokale katastrofer kjem på og arrangøren finn det upassande at arrangementet blir halde, har arrangøren rett til å avlyse arrangementet mot å betale artisten sine direkte kostnadar.
FORCE MAJEURE
Skulle det komme på ein ekstraordinær situasjon som ligg utanfor partane sin kontroll, som gjer det umuleg å oppfylle plikter etter Konsertavtalen, og som etter norsk rett må reknast som force majeure, for eksempel generalstreik, jordskjelv, krig, tsunami eller landesorg, skal den andre part varslast om dette så raskt som muleg. Den part som blir ramma av force majeure, har ikkje plikt til å gjennomføre oppdraget, men har heller ikkje krav på honorar/erstatning. Eventuelt utbetalt honorar skal tilbakebetalast til arrangøren.
I samband med force majeure-situasjoner har partane gjensidig informasjonsplikt overfor kvarandre om alle forhold som må reknast å vere av tyding for den andre part. Slik informasjon skal gjevast så raskt som muleg til partane sine offisielle representantar.
TRYGGLEIK
Arrangøren er ansvarleg for publikum og artist sin tryggleik knytt til opptreden. Dersom artisten skal utføre handlingar som innverke på publikum sin tryggleik, for eksempel stage dive, kasting av gjenstandar fra scenen etc., skal dette godkjennast av arrangøren på forhånd. Kvar av partane kan krevje at det blir gjennomført ei risikoanalyse i førkant av arrangementet.
LYDOPPTAK OG FOTOGRAFERING
Arrangøren er ikkje ansvarleg for eventuelle rettsstridige lydopptak/bilettaking som skjer av publikum. Dersom artisten ynskjer at det skal kommuniserast til publikum gjennom oppslag på spelestaden og dette blir kommunisert i rimeleg tid før konsertdagen, skal arrangøren i rimeleg omfang syte for dette.
Arrangøren har rett til å ta bilete av artisten under opptredenen og bruke dette i marknadsføring av spelestaden og arrangøren i den grad artisten samtykker til dette.
ENDRINGAR
Alle tillegg og endringar til Konsertavtalen, herunder endringar i kapasitet, skal gjerast skriftleg og skal vere underteikna av begge partar.
ANDRE FORHOLD
Artisten er sjølvstendiga, med mindre anna er opplyst i kontrakten, og svarar sjølv for skattar, avgifter, forsikringar, trygdeordningar og andre sosiale goder av einkvar art, med mindre anna er særskilt avtalt mellom partane. Artisten pliktar å ha forsikringar som er tilstrekkelege til å dekke eit kvart krav frå arrangøren som følgjer av artisten sin risiko eller ansvar etter Konsertavtalen innanfor ramma av vanlege forsikringsvilkår. Denne forpliktinga blir rekna som oppfylt dersom artisten teiknar ansvars- og risikoforsikring på vilkår som blir sett på som ordinære innanfor bransjen.
Arrangøren har tilbakehaldsrett i honoraret for alle krav arrangøren måtte ha mot artisten i samband med opptredenen.
LOVVAL OG TVISTELØYSING
Konsertavtalen skal tolkast og regulerast etter norsk lov. Dersom det oppstår motstrid mellom Konsertavtalen og tilhøyrande vedlegg, har Konsertavtalen forrang. Partane skal søke å løyse ein kvar tvist knytt til Konsertavtalen i minnelegheit. Dersom det ikkje lukkast å komme fram til ei minneleg løysing, er avtalt verneting arrangøren sitt verneting.