HARALD THUNE
NOR
The Backbounceability of Humans
Harald Thune - scenekunstnaren med eiga radiotid på P10 Country
Kolbeins Saloon laurdag 13/7
Biografi
Americana-pioneren Harald Thune er ein av Noregs mest kritikarroste countryartistar, og starta sitt første band som 17-åring. Og du har sikkert høyrt stemma hans på P10 Country, der han spelar countrymusikk og pratar seg igjennom programmet sitt 7 dagar i veka!
På scena er Harald eit kapittel for seg sjølv. Med lidenskap og speleglede, drivande gitarspel og personlege og velskrivne tekstar har han blitt ein ettertrakta konsertartist kjent for høg scenesjarm. Den mørke trollbindande stemma hans har appell langt ut over countrypublikum sine rekker, og gjennom 35 år som artist på profesjonelt nivå har Thune spelt over 2000 konsertar, gjeve ut 6 album, fleire singlar og eit samlealbum.
Det siste albumet hans, “The Backbounceability of Humans” har fått svært gode kritikk både i inn- og utland, og det fekk også rosande omtale i tidsskriftet «Country Music People» - verdas eldste og eit svært respektert magasin for countrymusikken.
